15 December 2017
RSS Facebook Twitter   

ද්‍රෝහියාගේ දියණිය - ජයනි අබේසේකර

drohiyage diyaniyaඇය ජිවිතය සොයා ගියාය. අනේක විධ පාවාදීම් මැද ඇය ජිවිතය හා සටන් කළාය. දේශපාලන හස්තයෙන් මුග්ධභාවයටද කුහකත්වයෙන් අන්ධභාවයටද පත් මිනිස් වර්ගයා වෙත සානකුම්පිත වූ ඇය, පොදු මිනසි් චිත්තධාරාවන් හා අරගල කළාය. ඇය නමින් ‘ඊන්නා අලෙක්සන්දාව්නා ප්‍රෝහරවා’ය.

ඇගේ කතාව ‘ද්‍රෝහියාගේ දියණිය’ නමින් ලාංකේය පාඨක ප‍්‍රජාව වෙත තිළිණ කළ ඔහු, සරෝජ් පතිරණය. BBC ලෝක සේවයේ මාධ්‍යවේදියෙකු වශයෙන් අප හ`දුනාගෙන සිටි ඔහු, මෙම කෘතිය අනුවර්තනය කිරීමෙන් සාහත්‍යකරණය කෙරෙහිද ඔහු සතු බුහුටි බව ප‍්‍රකට කර ඇත.

පූර්ව විප්ලවීය හා පශ්චාත් විප්ලවීය සෝවියට් දේශය, දේශපාලනකි හා ආර්ථික වශයෙන් වෙළාගත් දුක්ඛිතභාවයත්, ස්ටාලින්ගේ ආඥදායක පාලනය විසින් ජනතාවට ජිවත් වීමට බලකෙරුණු කුරිරු සමාජ වටපිටාවත් මෙම කෘතිය තුළනි් පිළිබිඹු වේ. ඒ අර්ථයෙන් ‘ද්‍රෝහියාගේ දියණිය’ දැවැන්ත රුසියානු දේහයේ හරස් කඩකි. එසේ වතුදු, එම දැවැන්ත පසුතලය මත දිගහැරෙන මනුෂ්‍යත්වය හා ගැහැනයි පිළිබඳ කතාන්තරය විනිවිදිනන්ට මම වෙර දරමි.  

‘මොස්කව් බලා යෑම සඳහා අපට බලපත‍්‍රයක් තිබු නමුත් දුම්රියේ ගාඞ්වරයාට මුදල් සහ ‘සාලා’ හෙවත් ඌරු තෙල් කැබැල්ලකින් පගාවක් දීමට අපට සිදු විය (පිටු අංක 37)

මුලදී හවුමාරු භාණ්ඩ මත පමණක් පදනම් වූ පගා ක‍්‍රමය ක‍්‍රමිකව මහා පරිමාණ මුල්‍යමය සුරාකෑම් දක්වා වර්ධනය වේ. එතුළින් සෝවියට් දේශය වෙළාගන්නා නිලධාරිවාදයේ කුරිරු ආධිපත්‍යය, කතා සංදර්භය විසින් අපට අභිමුඛ කරයි.

‘නව එන්නත් සොයා ගැනීම, සතුන්ට ප‍්‍රතිකාර කිරීමේ නව ක‍්‍රම සොයා බැලීම හෝ වෙනත්  ඕනෑම වැදගත් පුළුල් පර්යේෂණයක් සඳහා අවසර ගැනීමට ඒ සැබෑ ජිවකයන් උත්සාහ දැරු සෑම අවස්ථාවකම සෞඛ්‍ය අමාත්‍යාංශයේ සහ වෛද්‍ය ඇකඩමියේ නිලධාරින් හැකි සෑම ආකාරයකින්ම ඒ ප‍්‍රයත්නයට බාධා පැමිණවූහ’(පිටු අංක 49 )
 
අනවරත දේශපාලන මැදිහත් වීම් විසින් රුසියානු අධ්‍යාපන, සෞඛ්‍ය ක්ෂෙත‍්‍රයන්හි සිදුවන කඩාවැටීම එරට වෘත්තිකයන් බිහිවිමෙහිලාත් උත්කෘෂ්ඨ වෘත්තියවේදින්ගේ පැවැත්මෙහලිාත් ඍණාත්මකව බලපෑම් කළේය.

විශිෂ්ට විද්‍යාඥයෙකු වූ ඊන්නාගේ පියා රාජ්‍ය ද්‍රෝයෙකු ලෙස සැලකිමෙන් අනතුරුව ලෝකයාට ඇය ‘ද්‍රෝහියාගේ දියණිය’ වේ. එකී ද්‍රෝහී මුදාාව යටතේ ඇය විඳි අනේක විධ පීඩාවලින්ද, රජය විසින් ජිවත් වීමට බල කළ දුර්ගනධ්යෙන් පිරී සමාජ, ආර්ථික හා දේශපාලනකි කොන්දේසිවලින්ද බැටකමින් ඇය රුසියානු පශු වෛද්‍ය විද්‍යාවේ මං පෙත් පුළුල් කිරීමෙහිලා කැප වූවාය.

ඊනයිා ස්ත‍්‍රීවාදි භූමිකාව අතික‍්‍රමණය කළ ඇය පශ්චාත් විප්ලවීය රුසියාව ක‍්‍රමිකව වැළඳගත් නිදහස් ස්ත‍්‍රීත්වය මුර්තිමත් කරයි. පේ‍්‍රමයේ පවාදීම් හමුවේ ඇය කුටුම්භගත ජිවිතය ඉක්මවා නැගී සිටියාය. එසේවතුදු මානව පාවාදීම්වල කූඨාප‍්‍රප්තියට එළැඹි,  සිය එකම දරුවා (සාෂා) සිදු කළ මහා පාවාදීම හමුවේ ඇය සැලී ගියාය. ඒ ඇය ඇට මස් ලේ නහරින් සමන්විත සාමාන්‍ය ගැහැනයික වූ නසිාය.
ඊන්නා අලෙක්සන්දාව්නා වටා ගොඩනැගෙන කතා ශරීරය කාලමය වශයෙන් ඉතා පුළුල් පරාසයකට දිව යයි. ඇයගේ චරිතාපදානයේ ස්ත‍්‍රීවාදී දෘෂ්ඨිය අනවුර්තක අතින් නොබි`දී සුරැකෙනවා මතු නොව රුසියානු අත්දැකීම් වලින් පෝෂිත අනවුර්තක සිය පාදක සටහන ්ම`ගින් පාඨකයා වෙත ඥානනය කිරීමට වෑයම් කළ අර්ථමය පරිපූර්ණභාවය සුවිශේෂි කොට සැලකිය යුතුය.

ඊන්නා ස්ත‍්‍රිත්වයේ අසමසම නිරූපණයක් ලෙස ඉස්මතු නොකෙරෙන අතර  ඇය තවදුරටත් පෞද්ගලික වශයෙන් අත්විඳින අනෙක් පීඩා හා අත්තනෝමතික පාලනය කෙරෙන් එල්ල වන පීඩාවන් දරාගනිමින් ස්වකීය පැවැත්ම තහවුරු කර ගැනීම සඳහා ජිවන අරගලයට අප‍්‍රතිහත ධෛර්යයෙන් මුහුණ දුන් සාමාන්‍ය ගැහැනියකම වූවාය.

‘සෝවියට් දේශයේ නිවාඩු නිකේතනවලට පැමිණෙන තනිකඩ පුරුෂයන් පළමු දිනයේ දීම කානත්ාවක් හඳුනාගෙන එදිනම ඇය සමඟ ලිංගික පහස ලැබීමට උත්සුක වූහ. නිවාඩු ගත කරද්දි මටද එවැනි ආරාධනා වලින් අඩුවක් නොවීය. මගේ ජීවිතය පුරාම නිසි පුරුෂයෙකු නොමැති වීමෙන් මා මානසිකව පීඩා විඳි නමුත් හදිසියේ හමුවන එවැනි පුරුෂයෙකු සම`ග යහන්ගත වී එවකටත් ඉතා සංකීර්ණ වූ මගේ ජීවිතය තවදුරටත් අර්බුදයකට ඇද දැමීමට මට මානසික හෝ ශාරීරික ශක්තියක් නොවීය’(පිටු අංක 185)
ප‍්‍රථම පේ‍්‍රමය හා ප‍්‍රථම විවාහය බිඳ වැටුණු පසුත් ඇය සැබෑ පේ‍්‍රමය සොයා ගියාය. තාවකාලික ලිංගික සුවයකට හෝ කුටුම්භගත ජීවිතයකට වඩා ‘නිදහස්කාමයට ’ඇළුම් කළ ඇය සිය ස්ත‍්‍රී අභ්‍යනත්රය වෙළාගත් හුදෙකලා බවටත් පේ‍්‍රමයෙන ්පරාජිත හදවතටත්  සැබෑ පේ‍්‍රමයේ පිහිට පැතුවාය. එහෙත් එකී සොයා යෑමෙන් ඇය ලද කායික හෝ මානසික තුවාල සඳහා කිසි දිනෙක අභ්ලාදජන සත්කාරයක් කිසිවෙකුගෙන් ආපසු නොලැබුවාය.

ඇය සියලූ ස්ත‍්‍රීත්වයේ සංඝටකයන්ගෙන් අනූන, එසේ වතුදු ඊනයිා ස්ත‍්‍රී ප‍්‍රතිරූපයට එරෙහිව ඉස්මතු වූ ගැහැනියකි. ඒ අර්ථයෙන් ඇය ‘ඔරිජිනල්’ස්ත‍්‍රි මොඩලයකි. සිය ජීවිතය වටකොට නැගි සිටි අනෙක්විධ පවුරු පේ‍්‍රමය, ඊර්ෂ්‍යාව වෛරය, පශ්චාත්තාපය යනාදී පොදු මිනිස් චිත්ත ධාරාවන්ගෙන් පුපුරුවා දැමීමට ඇය සමත් වෙයි. ස්වකීය චරිතාපදානය තුළ සාන්තුවර වරමකින් නැගී සිටිනවා වෙනුවට සැබෑ ගැහැනයික ලෙස ඊන්නා එහි ජිවත් වේ. එය සරල වූත් ළඟගනන්නා වූත් බසකින් සිංහල පාඨක ප‍්‍රජාවට තිළිණ කිරිමට සරෝජ් පතිරණ සමත් වී ඇත.

සැබෑ ගැහැනයිකගේ මානව විඳීම් මෙන්ම රුසියානු සමාජ දේහයේ යථාව ඇයගේම හඬින්, ඔහුගේම වූ ශෛලියකින් ලාංකේය පාඨක ප‍්‍රජාවට ‘ද්‍රෝහියාගේ දියණිය’ ඔස්සේ මුණගැසෙනු ඇත. රුසියානු ගැහැනියකගෙන් ඔබ්බේහි ඇය සියලූ ස්ත‍්‍රියාවන් තුළ අඩු වැඩි වශයෙන් ලැගුම් ගනු නිසැකය. මනද්යත් දශක අටකට වැඩි කාලයක් විපරීත චලනයන්ට මුහුණ දෙමින්ද උස්පහත් වෙමින්ද ගලා ගිය ඊන්නා අලෙක්සන්දාව්නා ප්‍රෝහරවාගේ ජීවන වෘත්තාන්තය පමණක්ම නොවන හෙයිනි.

ලංකාව වැනි අධම දේශපාලනයෙන් ඔද්දල් වූ සමාජ දේහයක ජිවත්වන ඔබ මා ඇතුළු සමස්ත ගැහැනු, ඊන්නාට නොදෙවෙනි වේදනාත්මක රංගයකට පණ පොවති. ඊන්නා හා අප අතර ඇත්තේ එක් වෙනසකි. ඇයට තරම් හෝ ලිංගික නිදහස හා ගැහැනිය සම්බනධ් තීරණ ගැනීමේ නිදහස, සිංහල බෞද්ධ කඩතුරාවට මුවා වූ ඊනයිා පුරුෂෝත්තම සමාජය විසින් අපට අහිමි කර තිබීමය. ඊනන්‍යා, ඒ අර්ථයෙන් ඔබ අපට වඩා වාසනාවන්තයි.    

 

 

සිව් මංසල